Sámegillii

NJUOLGGADUSAT SOUNDS 2018
1. STIILLAT

Klassihkalaš musihkka
  • orkeastarat
  • musihkkajoavkkut
  • goarat
  • lávlunmusihkkajoavkkut
Álbmotmusihkka
  • musihkkajoavkkut
  • lávlunmusihkkajoavkkut
Ritmamusihkka dego rock, pop, jazz, bállada, časkkuslávlla, hiphop, reggae, dance
  • musihkkajoavkkut
  • lávlunmusihkkajoavkkut

2. LOAIDDASTEAMI GUHKKODAT

Oppa loaiddasteami guhkkodat oažžu leat eanemustá 10 minuhta.

3. AHKERÁIDDUT JA RÁDDJEHUSAT

Oasseváldit juhkkojit guovtti ahkeráidui:
"2003-2008 -riegádan (10-15-jahkásaččat)
"1998-2002 - riegádan (16-20- jahkásaččat)

Joavkku sturrodat galgá leat unnimustá golbma olbmo. Eanemustá 1/3 joavkku lahtuin oažžu spiehkkasit ahkeráddjehusas. Ráddjehus ii guoskka loaiddastemiid bagadalliid iige joavkkuid bagadalliid. Dáhpáhus lea plánejuvvon namalassii nuorra dáidaga buđaldeaddjiide. Nuorat, geat ožžot váldo áigáiboađuset musihkas, leat musihka ámmátlaš skuvlejumis (Sibelius-Akademiija, soalddátmusihkkaskuvla, musihkkaoahppolágádusa ámmátlaš linjját) dahje leat čađahan musihka ámmátlaš dutkosa, eai sáhte váldit oasi dáhpáhussii. Ráddjehus ii guoskka Sibelius-Akademiija nuoraidskuvlejumi oahppiid. Guovlo ja váldegottálaš dáhpáhusas seamma joavku sáhttá váldit oasi dušše ovtta joavkošládjii. 2/3 joavkku lahtuin galget leat ođđa, vai joavkku sáhttá geahččat ođđa čoahkkun.

4. GUOVLODÁHPÁHUSAS VÁLDEGOTTÁLAŠ DÁHPÁHUSSII

Guovlodáhpáhusaide sáhttet váldit oasi buot guovllus ássi nuorat. Guovlodáhpáhus galgá leat dollojuvvon jagi 2018 njukčamánu loahpa rádjai. Guovlodáhpáhusain joatkagii beassan almmuhit iežaset váldegottálaš dáhpáhussii Mikkeli maŋimustá 9.4.2018 rádjai. Dán maŋŋá boahtán almmuheamit eai dohkkehuvvo.
Sámenuoraid dáiddadáhpáhussii ožžot oassálastit buot sámenuorat ja -mánát, ja dat, geat leat sámegielat dahje sámegiela oahpahusas. 

5. ÁRVVOŠTALLAN

Buot dáhpáhussii oassálastán joavkkut ožžot loaiddasteamisteaset njálmmálaš ja čálalaš máhcahaga. Nuori Kulttuuri Sounds 2018 -dárkkisteami duopmárat deattuhit dialoga nuorra musihkkáriiguin. Duopmárat geahččalit bajidit ságastallamii loaiddasteami nanusvuođaid ja maiddái áššiid, maiguin loaiddasteddjiin livčče vejolaš ovdánit iežas musihka ráhkadeamis. Duopmárat giddejit fuomášumi ovdamearkan.

  • loaiddasteami sisdollui
  • lávluma ja čuojaheami iešvugiide
  • loaiddasteddjiid gaskavuođa vuorrováikkuhussii
  • olggosbuktimii gullevaš áššiide
  • lávdehápmái
  • loaiddasteami iešláhkái
  • loaiddasteddjiid ja guldaleddjiid gaskasaš vuorrováikkuhussii